Ўзбекистонда Hornby Alumni стипендияси битирувчиларининг онлайн-конференцияси ўтказилди

2022 йил 8 октябрь куни Hornby Scholar Get Together битирувчиларининг онлайн конференцияси бўлиб ўтди. Онлайн учрашувда турли мамлакатлардан, жумладан, Ўзбекистондан 48 нафар стипендия битирувчилари иштирок этиб, ушбу лойиҳада иштирок этганидан кейин ўзларининг муваффақиятлари билан ўртоқлашдилар. Конференция давомида ўзлаштирилган кўникма ва билимлар ҳар бир иштирокчининг касбий фаолият соҳасида қанчалик фойдали бўлганлиги ҳақида сўз юритилди. Мазкур анжуманда Британия Кенгаши директорининг ўринбосари Жамила Ғуломова ҳам иштирок этди.

Ўзбекистонлик Hornby Alumni битирувчилари Нодира Исамухамедова, Элянора Менглиева, Эркин Муҳамедов, Наргиза Қўчқорова, Комила Тангирова ва Нилуфар Бегибоева халқаро ҳамкорлар билан биргаликда йирик миллий лойиҳаларда иштирок этиш орқали ислоҳотларнинг асосий жараёнлари ва таркибий қисмлари ҳақида тушунчаларини қандай шакллантиргани ҳақида сўзлаб берди ва янги профессионал алоқалар ўрнатилди. Британия Кенгаши уларнинг мутахассис сифатида ривожланишига ёрдам берди ва бу уларга Hornby стипендия дастурини ютиб олиш имконини берди.

Ўз навбатида, Буюк Британияда ўқиш давомида олинган билим, кўникма ва малакалар битирувчиларга ўз мамлакатида изланувчан мутахассис бўлиб етишишларига ёрдам берди. Инглиз тили ўқитувчиларини тайёрлаш ва қайта тайёрлаш тизимини ислоҳ қилиш, бўлажак инглиз тили ўқитувчиларини тайёрлаш тизимини ислоҳ қилиш, турли касб вакиллари учун инглиз тилини ўргатиш дастурларини яратиш, ўқитувчилар учун махсус мақсадли инглиз тили дастурлари (UzTESPING, Netruz) бевосита битирувчилар иштирокида амалга оширилди.

Лойиҳаларда иштирок этиш орқали дастур битирувчилари ўз лойиҳаларини яратишда ёрдам берган етакчилик фазилатларини ривожлантирдилар. Масалан, Нодира Исамухамедова Ўзбекистондаги 8 мингдан ортиқ инглиз тили ўқитувчиларига малака оширишда ёрдам берувчи Mentor Hub va ELT Uz – English Language Teachers from Uzbekistan каналларига асос солган; Халқ таълими вазирлиги ҳузуридаги Ўқитувчилар уюшмасини бошқариб келган Наргиза Қўчқорова эндиликда президент ва ихтисослаштирилган мактабларни ривожлантириш агентлигининг педагог кадрларни танлаш ва малакасини ошириш бошқармасига раҳбарлик қилмоқда, Светлана Хон қатор миллий “Fly High”, “Kid’s English” вa “Teen’s English” инглиз тили дарсликлари муаллифи бўлди.

 «Британия кенгаши мамлакатимизда инглиз тилини ўқитиш сифатини ошириш ва тарғиб қилишда муҳим роль ўйнади. Hornby Alumni дастури ва Британия Кенгаши бизга, иштирокчиларга турли лойиҳалар билан ишлаш бўйича барча зарур билим ва тажрибани берди, бунинг натижасида биз мамлакатимизда чет тилини ўрганиш ва ўқитиш тизими ва ёндашувларини ислоҳ қилиш бўйича умумий тушунчага эга бўлдик», – дея ўртоқлашди Hornby Alumni битирувчиларидан бири Нодира Исамухамедова.

Hornby Alumni таълим фонди A.С. Ҳорнби томонидан1961 йилда ташкил этилиб, Жамғарманинг асосий вазифаси инглиз тилини ўқитиш ва ўрганишни яхшилашдан иборат бўлиб, стипендия Буюк Британиядан бўлмаган инглиз тили мутахассислари, жумладан ўқитувчилар, мутахассислар, инспекторлар ва ўқув материаллари муаллифларига берилади. Ҳозирда Уорик университети томонидан тақдим этилаётган стипендия мутахассисларга TESOL  бўйича магистр даражасини олиш имкониятини беради.

Грант дастури ўқиш тўловларини (бир йил), яшаш харажатларини, саёҳат ва бошқа харажатларни қоплайди. Номзодлар суҳбат ва TOEFL, IELTS ёки PTE халқаро тестлари натижаларига кўра танланади.

Бу тўлиқ стипендия дастури бўлиб, ҳар йили бутун дунё бўйлаб олий маълумотга эга ва стажёр ёки ўқитувчи сифатида тажрибага эга бўлган инглиз тили ўқитувчиларига таклиф этилади. Жамғарма ташкил этилганидан буён бутун дунёдан инглиз тили ўқитувчилари учун 500 дан ортиқ стипендия ажратди.

Айни пайтда 2023-2024 ўқув йили учун стипендия дастурига аризалар қабул қилинмоқда. Аризаларни қабул қилишнинг охирги муддати 2022 йил 31 октябрь, Гринвич бўйича соат 12.00 гача. Дастур ва ариза шакли ҳақида маълумотни бу ерда олиш мумкин.