Жўқорғи Кенгес депутатлари президентдан оммавий тартибсизликларда қатнашганликда гумон қилинаётган фуқароларни афв этишни сўрамоқда

Источник: https://www.istockphoto.com/

20 июль куни Қорақалпоғистон Республикаси Жўқорғи Кенгесининг XXXI сессиясида депутатлар Ўзбекистон президентига мурожаат йўллаш тўғрисидаги қарорни қабул қилди, деб ёзади «Газета» нашри “Янги Ўзбекистон” сайтига таянган ҳолда.

ЖК матбуот хизмати хабар беришича, республика парламенти 2 июлдан бошлаб бир ой муддатга жорий этилган фавқулодда ҳолатни юмшатишни сўради.

Аввалроқ, «Янги Ўзбекистон» газетаси мурожаатда фавқулодда ҳолатни бекор қилиш сўралгани ҳақида хабар берганди. Бундан ташқари, халқ вакиллари оммавий тартибсизликларни содир этганликда гумонланган айбсиз фуқароларни, хусусан, ёшларни афв этишни сўрагани айтилганди. Айни вақтда мазкур хабар таҳрир қилинган.

Расмий маълумотларга кўра, июль ойи бошидаги воқеалари оқибатида расман 21 киши ҳалок бўлди ва 274 киши эса жароҳатланди, бироқ, неча киши ҳибсда қолаётгани маълум қилинмади.

If you have found a spelling error, please, notify us by selecting that text and pressing Ctrl+Enter.