Жиззах вилояти вайнерларига ЙПҲ ходими ҳақидаги ролик учун тайинланган ҳибс бекор қилинди

Жиззах вилояти Жиноят ишлари бўйича апелляция суди аввалги ҳукмни ноқонуний деб топди, унга кўра икки нафар маҳаллий фуқаро ниқобланган йўл ҳаракати полицияси ходими билан суратга тушган видео учун ҳибсга олинган. Иккала вайнер ҳам суд залида қўйиб юборилди, дея хабар беради вилоят прокуратурасининг матбуот хизмати. Бу ҳақда «Медиазона» ёзмоқда.

Идоранинг аниқлик киритишича, 13 март куни Ғаллаорол тумани суди ижтимоий тармоқлар учун саҳналаштирилган видеони суратга олган маҳаллий вайнерларга нисбатан маъмурий қамоққа олишни тайинлаган.

Ҳар икки фуқаро майда безориликда, иш бўйича судланувчилардан бири эса вазирлик, идора ва ташкилотлар ходимларининг кийим-кечакларини ноқонуний кийганликда айбдор деб топилди. Натижада видео муаллифлари мос равишда 10 ва 15 кунлик қамоқ жазосига ҳукм қилинди.

Шу билан бирга, маҳкумлардан бири фақат одамлар билан кулгили вайнларни баҳам кўриш учун ижодкорлик билан шуғулланганини айтган. “Россия каналларида шунга ўхшаш видеоларни кўрдим, уларни таржима қилдим ва чиқардим. Бу видеодан мақсад бўлим ходимлари устидан кулиш эмас, балки одамлар билан бирга кулгуни баҳамлашиш эди”, — дея қўшимча қилади Жиззах вилоятида яшовчи фуқаро.

Қайд этилишича, туман прокуратураси биринчи инстанция судининг қарори устидан протест келтирган. 18 март куни Апелляция кенгашининг йиғилиши бўлиб ўтди. Шундай қилиб, вайнерлар тахминан беш кун давомида ҳибсда бўлган.

Жорий йилнинг март ойи бошида Қашқадарё вилоятининг Шаҳрисабз шаҳридан икки нафар вайнер 15 суткага ҳибсга олингани, улардан бири ЙПХ ходими қиёфасига кириб, ҳайдовчидан пора олаётгани ҳақида саҳналаштирилган видеолавҳа учун ҳибсга олингани хабар қилинган эди.