Энди божхона декларациясини уйда ўтириб тўлдириш мумкин

Энди божхона декларациясини уйда ўтириб тўлдириш мумкин

Энди авиайўловчи божхона декларациясини офисда ёки уйда ўтириб, ўзига қулай вақтда компьютерда тўлдириши ёки Ўзбекистон Республикаси Давлат Божхона қўмитасининг сайтида жойлаштирилган божхона декларациясининг Т-6 шакли бланкасини қоғозга чиқариб олиши мумкин.

Божхона декларациясини тўлдиришдан олдин Ўзбекистон Республикаси Адлия вазирлигининг 2004 йил 23 апрелда 1342-рақам билан рўйхатга олинган “Т-6 шаклидаги декларацияни тўлдириш ва расмийлаштириш тартиби тўғрисида”ги йўриқнома билан танишиш тавсия этилади.

Декларация сайтдан PDF форматида юклаб олинганидан кейингина барча зарур маълумотларни киритиш лозим. Хато қилмаслик учун киритилган маълумотни пухталик билан текшириш тавсия этилади. Бланкни икки нусхада иккала томонини ҳам А-5 (21х15 см ўлчам) форматидаги қоғозга чиқариб олиш керак, деб ёзади “Ўзбекистон ҳаво йўллари” МАКнинг матбуот хизмати.

If you have found a spelling error, please, notify us by selecting that text and pressing Ctrl+Enter.