Оқшомги Анҳор: 7 ноябрь янгиликлари

Қатор телеграм-каналлар берган маълумотларга кўра, Халқаро пресс-клуб раиси сўзга чиқувчини минбарга чиқишдан олиб ташлаган. Мактабгача таълим Вазирлигининг бошқарма бошлиғи ўринбосари Любовь Евстафьева сўзга чиқиши керак эди. Қудратхўжаев ўз ҳатти-ҳаракатини бу кўрсатувни минтақаларда томоша қилишларини ҳисобга олиб, сўзга чиқишлар давлат тилида бўлиши лозимлиги билан асослади. Сал вақт ўтиб, Любовь Евстафьева нима сабабдан улар (журналистлар)  оддий ҳаракатни фожиага айлантираётганлиги, ўзбек тилини яхши биладиган ҳамкасабасини таклиф қилиш учунгина  ташқарига чиққанини ифода этаётгани тасвирланган видео тармоқда тарқалиб кетди.
 
Украина ҳокимиятни танқид қилган ўзбекистонлик журналистни таслим этишни истамаяпти. Нарзулло Охунжонов 2013 йилда мамлакатдан чиқиб кетган.  Ўзбекистон Охунжоновга нисбатан халқаро қидирув эълон қилгани боис  у 2017 йилнинг сентябрида Киевда ҳибс қилинган эди. Украина Amnesty International ваколатхонасининг ижрочи директори Оксана Покальчукнинг сўзларига қараганда, Охунжонов ҳибсдан озод этилиб, расмий қочоқ мақомини олган.
 
Вазирлар Маҳкамаси “Мурунтов” карьерида олтин қазиб олиш конини кенгайтириш бўйича лойиҳани тасдиқлади. Хужжатда  йилига 47 миллион тоннагача олтин рудалари қазиб олишни кенгайтириш кўзда тутилади. Сармоявий давр муддати 9 йилни ўз ичига олади.
 
Тошкентда бир аёл ўзининг бир ёшли гўдагини минг долларга сотишга уринган. Хоразм вилоятилик 20 ёшли бу қиз қўлга олинди.
 
2018 йил 22 ноябрдан Тошкент шаҳри бўйича совуқ сув таъмитнотига нисбатан тарифлар ошади.  Аҳоли учун бир куб метр совуқ сув нархи 245 сўмдан 280 сўмга, канализация хизматлари нархи эса 210 сўмдан 235 сўмга оширилади.