2024-yilning birinchi yarmida Xitoyda yangi ko‘mir elektr stansiyalarini qurish uchun berilgan ruxsatnomalar soni keskin kamaygan

Xitoy 2024-yilning birinchi yarmida quvvati 9 gigavatt bo‘lgan atigi 10 ta yangi ko‘mir elektr stantsiyasini tasdiqladi, bu o‘tgan yilga nisbatan 83 foizga kam. Bu haqda bosh qarorgohi Xelsinkida joylashgan Energiya va toza havo tadqiqot markazi (CREA) va Amerikaning Global Energy Monitor tashkiloti o‘z hisobotida ma’lum qildi.

Ularga ko‘ra, 2023-yildan buyon Xitoy 400 GVt dan ortiq shamol va quyosh energiyasini ishga tushirdi, bu esa 2023-yilning iyunidan 2024-yilning iyunigacha bo‘lgan davrda ko‘mir yoqilg‘isi energiyasining umumiy ishlab chiqarishdagi ulushining 7 foizga kamayishiga olib keldi.

Biroq, Xitoy yilning birinchi yarmida 41 GVt quvvatga ega ilgari ruxsat etilgan ko’mir elektr stantsiyalarini qurishni boshladi – bu 2022 yilda qurilganidan deyarli ko’p, bu global ko’mir ishlab chiqarishning 90% dan ortig’ini tashkil qiladi.

2022 va 2023-yillarda Xitoydagi energetika inqirozi mutaxassislarning mamlakatning energiya xavfsizligiga oid xavotirlarini keltirib chiqardi va elektr energiyasini ishlab chiqarish uchun ko’mirdan foydalanishga ruxsat berishning keskin o’sishiga olib keldi.

Xitoy elektr tarmoqlari barqarorligini ta’minlash va iyul oyidagi rekord issiqlik to’lqini kabi eng yuqori talab davrida elektr ta’minotini himoya qilish uchun yangi ko’mir inshootlarini qurayotganini aytadi va dunyoni elektr energiyasini ishlab chiqarish uchun ko’mirdan foydalanish qat’iy nazorat qilinishiga ishontirmoqda.

Mutaxassislar Xitoyda qayta tiklanadigan energiya manbalarining yangi quvvatlarini ishga tushirish Xitoy energetika sohasida ko‘mirga bo‘lgan talabni kamaytirishiga umid qilmoqda.