Prezident topshirig‘iga binoan sirdaryolik 101 yoshli otaxonga uy sovg‘a qilindi

Sirdaryo viloyati hokimi Akmaljon Maxmudaliyev Prezident topshirig‘iga ko‘ra boyovutlik otaxonga Guliston shahridan uy sovg‘a qildi. Bu haqda viloyat hokimligi matbuot xizmati xabar berdi.

Davlat rahbari 8-may kuni Mudofaa vazirligining Markaziy harbiy klinik gospitaliga borib, Ikkinchi jahon urushi qatnashchilari holidan xabar olgani, boyovutlik otaxon bilan suhbatlashib, uning iltimosiga binoan otaxonga uy sovg‘a qilmoqchiligi ma’lum bo‘lgandi.

Viloyat hokimi Akmaljon Mahmudaliyev Prezident topshirig‘idan so‘ng, otaxonga uy sovg‘a qildi.

101 yoshli otaxon O’skan ota Hojimanov ayni paytda davolanayotgani bois, kechaning o‘zida xonadon uning kelini va nabiralariga topshirildi. Shuningdek, hokim bugun gospitalda ham bo‘lib, otaxonni tabrikladi, yangi xonadon hujjatlari va kalitini berdi.