Bugun o‘zbekistonlik yetti sportchi Olimpiya o‘yinlarida qatnashadi

Avgust oyinining ilk kunidan o‘rin olgan bahslarda O‘zbekiston delegatsiyasi akademik eshkak eshish, boks va dzyudo bahslari bilan o’z ishtirokini davom ettiradi, deb xabar bermoqda Milliy olimpiya qo‘mitasi.

Anna Prakaten Toshkent vaqti bilan 12:30 da akademik eshkak eshish bo‘yicha O‘zbekiston sharafini himoya qiladi. Dzyudo bo‘yicha musobaqalarda Muzaffarbek To‘raboyev va Irisxon Qurbonboyeva qatnashadi.

Boks bo‘yicha musobqalarda esa O‘zbekiston nomidan quyidagi sportchilar qatnashadi:

• Sabina Boboqulova 14:15 da
• Ruslan Abdullayev 15:50 da
• Navbahor Hamidova 19:50 da
• Lazizbek Mullojonov 00:50 da