Navoiyda alyuminiy qutilar ishlab chiqaruvchi 100 mln dollarlik zavod quriladi

“Arnest qadoqlash yechimlari” AJ bilan “Navoiy sanoatni rivojlantirish kompleksi” maxsus sanoat parki hududida ichimliklar uchun alyuminiy qutilar ishlab chiqarish zavodini qurish loyihasini amalga oshirish bo‘yicha investitsiya bitimi imzolandi. Bu haqda Investitsiyalar, sanoat va savdo vazirligi matbuot xizmati xabar berdi.

Hujjatga ko‘ra, “AQY” AJ investitsiyalari taxminan 100 mln dollarni tashkil etadi va alyuminiy ichimliklar qutisini ishlab chiqarish uchun 2 ta zamonaviy yuqori texnologiyali liniyalarni o‘rnatishga yo‘naltiriladi.

Korxonaning quvvati yiliga 1,5 mlrd bankadan oshadi. 200 dan ortiq yangi yuqori malakali ish o‘rinlari yaratiladi. Zavod 2025-yilning kuzida ishga tushirilishi rejalashtirilgan.

Ishlab chiqarilayotgan mahsulotlarning 30 foizdan ortig‘ini eksport qilish rejalashtirilgan.