AQShda o‘zbekistonlik talabalar soni 11,9% ga oshdi

Qo‘shma Shtatlardagi xalqaro talabalar soni 2023-2024 o‘quv yilida 1,1 milliondan ortiqni tashkil qilib, tarixdagi eng yuqori ko‘rsatkichga yetdi. Xususan, O‘zbekistondan borgan talabalar soni 11,9 foizga oshgan.

Xalqaro talabalar harakatchanligi bo‘yicha keng qamrovli manba Open Doors hisobotiga ko‘ra, Qo‘shma Shtatlardagi xalqaro talabalar soni o‘tgan yilga nisbatan 7 foizga oshgan. O‘zbekistonlik talabalar soni 1089 nafardan 1219 nafarga ko‘paygan.

“Ta’lim O‘zbekiston va AQSh o‘rtasida o‘zaro anglashuv va do‘stlik ko‘priklarini o‘rnatishimiz kerak bo‘lgan eng kuchli vositalardan biridir. AQSh ta’lim muassasalarida o‘zbekistonlik talabalar soni ortib borayotgani ularning akademik yuksaklikka sodiqligini va bu bilimlarni o‘z jamiyatlariga hissa qo‘shish uchun qaytarib olish istagini aks ettiradi”, — deydi AQShning O‘zbekistondagi elchisi Jonatan Xenik.

Toshkentdagi elchixona hududida joylashgan “EducationUSA” maslahat markazlari, shuningdek, Namangan va Qarshidagi “American Spaces” AQShda o‘qish haqida aniq va to‘liq ma’lumotlarni taqdim etishda muhim rol o‘ynaydi.