Blogger Farhod Mannopovning o‘limida ayblanib, ikki shifokor besh yilga ozodlikdan mahrum etildi

Bugun Jinoyat ishlari boʻyicha Uchtepa tumani sudida bloger Farhod Mannopovning oʻlimida ayblanayotgan xususiy klinika shifokorlari ishi boʻyicha ochiq sud jarayoni yakunlandi. Sudya D.Komilov raisligidagi sud hukmini e’lon qildi.

“Star Med Centr” xususiy klinikasida (Omad Plyus MChJ) ishlagan A.X.(1981-yilda tug‘ilgan otorinolaringolog) va K. (anesteziolog-reanimatolog, 1979-yilda tug‘ilgan) xavfni tark etishda ayblanib, oqlandi. (O‘zbekiston Respublikasi Jinoyat kodeksining 117-moddasi 2-qismi).

Biroq sud ularni kasb burchini lozim darajada bajarmaganlikda aybdor deb topdi (O‘zbekiston Respublikasi Jinoyat kodeksining 116-moddasi 3-qismi). Har ikki shifokor 2 yil muddatga mutaxassisliklari bo‘yicha tibbiy faoliyat bilan shug‘ullanish huquqidan mahrum qilingan holda 5 yilga ozodlikdan mahrum qilish jazosiga hukm qilindi.

J.K.ga nisbatan uy qamog‘ida o‘tkazilgan vaqt hisobga olinsa, ozodlikni cheklash muddati 3 yil 6 oy 27 kunni tashkil etadi.

Taraflar birinchi instansiya sudining hal qiluv qarori ustidan apellyatsiya yoki kassatsiya tartibida Toshkent shahar sudiga shikoyat qilish huquqiga ega.