“Buxoro” aeroportida parvozlarning qidiruv va avariya-qutqaruv ta’minoti bo‘yicha mashg‘ulotlar o‘tkazildi

“Buxoro” xalqaro aeroportida aerodromda havo hodisasi yuz berganda avariya-qutqaruv ishlarini tashkil etish, yo‘lovchilar va ekipajga yordam ko‘rsatish bo‘yicha kompleks mashg‘ulotlar o‘tkazildi. Tadbir aeroport tomonidan O‘zbekiston Yagona aviatsiya qidiruv-qutqaruv xizmati (YaFQQX) tarkibiga kiruvchi o‘zaro hamkorlik qiluvchi tashkilotlar ishtirokida tashkil etildi.

Mashg‘ulotlarga ko‘ra, favqulodda vaziyatlar xodimlari samolyot bortidagi favqulodda vaziyat haqida xabardor qilingan, shundan so‘ng ularga qutqaruv ishlarini samarali tashkil etish vazifasi yuklangan. Signaldan so‘ng aeroportning o‘t o‘chirish va qutqaruv brigadalari tezda uchish-qo‘nish yo‘lagida ko‘pikli tasma hosil qilib, xavfsiz qo‘nishni muvaffaqiyatli tashkil qilgan.

Samolyot “qo‘nganidan” so‘ng va soxta yong‘inni o‘chirish jarayonida voqea joyiga viloyat favqulodda vaziyatlar boshqarmasi guruhlari ham olib kelinib, yong‘inni to‘liq o‘chirish ishlari o‘tkazilgan. Yo‘lovchilar xavfsiz hududlarga evakuatsiya qilingan, jabrlanganlarga aeroport hududida joylashgan ixtisoslashtirilgan tibbiyot bo‘limlarida birinchi tibbiy yordam ko‘rsatilgan.

O‘quv-taktik tadbirlar yakunlari bo‘yicha yo‘l qo‘yilgan kamchiliklar aniqlanib, ularni bartaraf etish bo‘yicha shaxsiy tarkibni o‘qitishning taktik va amaliy jihatlari muhokama qilingan. Barcha mas’ul rahbarlar o‘zaro tajriba almashib, aeroportning favqulodda vaziyatlarda harakat qilish tizimini yanada takomillashtirish bo‘yicha tavsiyalar berishdi.