Farg‘ona va Namanganda chiqindi yoqish zavodlarini qurilishi mumkin

Uchrashuvda A.Abduhakimov Xitoyga tashrifi haqida gapirib, chiqindilarni yoqish zavodlaridagi  texnologiyalardan hayratda qolganini va Xitoy tajribasini mamlakatimizda ham o‘zlashtirish niyatida ekanligini aytib o‘tdi. Shu bilan birga, Farg‘ona va Namanganda chiqindilarni yoqish zavodlarini qurish loyihasiga ham e’tibor qaratildi. Xitoy tomoni mazkur loyihani tezroq boshlash tarafdori ekanligi, tez orada hududlarni o‘rganish uchun Xitoydan muhandislar guruhi yuborilishi aytib o‘tildi.

Ma’lumot uchun, loyiha doirasida dastlab Farg‘ona va Namangan viloyatlarida, keyin esa respublikaning boshqa hududlarida ham chiqindilarni yoqish zavodlarini qurish rejalashtirilgan.

Shuningdek, qattiq maishiy chiqindilarni yoqish va elektr energiyasi ishlab chiqarish orqali qayta ishlash sohasidagi ishlarni jadallashtirish masalalari ham muhokama qilindi.