Farg‘onada yigit yurib ketayotgan “Damas”dan sakrab, boshqa “Damas”ning tagida qolib ketdi

Ijtimoiy tarmoqlarida tarqalgan Farg‘onada yurib ketayotgan avtomashinadan tushib ketgan yigit haqidagi xabar tarqaldi. Holat Farg‘ona viloyati IIB tomonidan o‘rganib chiqildi.

Ma’lum bo‘lishicha, joriy yil 16-iyul kuni Farg‘ona shahar Qirguli mavzesi Shifokorlar ko‘chasida fuqaro N.K. boshqaruvidagi “Damas” rusumli avtomashinasida yo‘lovchi sifatida ketayotgan fuqaro D.P. avtomobilning orqa eshigini ochib, sakrab yuborgan va qarama-qarshi tomonidan kelayotgan avtomobilning old qismiga kelib urilgan.

Natijada, D.P. tan jaroxati olib, kasalxonaga yotkizilgan biroq ko‘rsatilgan tibbiy yordamga qaramasdan kasalxonada vafot etgan.

Hozirda mazkur holat yuzasidan Jinoyat kodeksining 266-moddasi 2-qismi bilan jinoyat ishi qo‘zg‘atilib, dastlabki tergov harakatlari olib borilmoqda.