Fikr: Tramp tezda Markaziy Osiyo bilan shug‘ullanishi lozim

Donald Trampning yangi ma’muriyati Markaziy Osiyoga mintaqaga munosib ahamiyatni berishi va Markaziy Osiyo davlatlari bilan munosabatlarni rivojlantirish uchun resurslarni sarmoya qilishi kerak, deyiladi “Modern Diplomacy” maqolasida.

Markaziy Osiyo Xitoy va Rossiya o‘rtasida muvozanatni saqlab turibdi, u haqiqiy mustaqillikni saqlab qolish uchun G‘arbning yordamidan manfaatdor. Sharq va G‘arb o‘rtasida yuk tashish bo‘yicha o‘rta yo‘lak mintaqaning Xitoy va Rossiya Federatsiyasiga qaramligini kamaytirishning yaxshi namunasidir. Ammo imkoniyatlar oynasi abadiy ochilmaydi va Qo‘shma Shtatlar undan tezda foydalanishi kerak.

Asosiy imkoniyatlardan biri mintaqa davlatlarini raqamlashtirish jarayonidir. Agar G‘arb, jumladan, AQSh buning uchun katta sarmoya kiritmasa, Markaziy Osiyo Xitoyning “Raqamli ipak yo‘li” doirasidagi yordamini qabul qilishga majbur bo‘ladi va Xitoyning mintaqadagi ta’siri ancha kuchayadi.