O‘zbekistonning “Foton” kompaniyasi Rossiya raketalari uchun mikrosxemalar ishlab chiqaruvchisi sifatida ko‘rsatildi

Ukrainaga qarshi urush munosabati bilan Rossiyaga nisbatan joriy qilingan sanksiyalar bo‘yicha maxsus sayt ishga tushirildi. U yerda urush homiylari va urushga aralashganlar ko‘rsatib o‘tilgan. Bu haqda Ukraina prezidenti ofisi xabar berdi.

O‘zbekistonning OKB Foton kompaniyasi Rossiyaning “Kalibr” raketa majmuasi uchun 3M-14 qanotli raketalarida qo‘llaniladigan 286EP3 va 286EP4 mikrosxemalari ishlab chiqaruvchisi sifatida qayd etilgan.

Saytda mamlakatlar hukumatlari nima qilishi kerakligi borasida tavsiyalar keltirilgan:

• Kuchaytirilgan eksport nazorati o‘rnatiladigan mahsulotlar ro‘yxatini tasdiqlash;
• Ularning Rossiya, Belarus, Eron, KXDRga reeksport qilinishini taqiqlash;
• Ularning riskli yurisdiksiyalarga yetkazilishi davrida kuchaytirilgan tekshiruv jarayonlarini belgilash;
• Qonunbuzarlik va sovuqqonlik uchun javobgarlikni kuchaytirish, banklarni tekshiruvga jalb qilish;
• Boshqa mamlakatlar bilan axborot almashish va sa’y-harakatlarni sinxronlashtirish.

Eslatib o‘tamiz, 2023-yil dekabrida Ukraina “Foton” kompaniyasiga qarshi sanksiyalar kiritgan edi.