FT: Shimoliy Koreya Rossiyaga 50 ga yaqin yirik kalibrli qurollarni topshirdi

Shimoliy Koreya Rossiyaga 170 mm kalibrli 50 ga yaqin M1989 (Ko‘ksan) o‘ziyurar gaubitsalarini va 240 mm kalibrli 20 ta modernizatsiya qilingan ko‘p martalik raketa tizimini yetkazib berdi, deb xabar bermoqda Financial Times gazetasi Ukraina razvedkasiga tayanib. Bu qurol avvalroq Janubiy Koreya bilan chegarada mudofaa uchun ishlatilgan.

Ushbu haftada ijtimoiy tarmoqlarda Krasnoyarsk o’lkasidagi temir yo’l platformalarida ushbu artilleriya tizimlarining fotosuratlari paydo bo’ldi, bu OSINT tadqiqotchilari tomonidan tasdiqlangan. Ukraina Rossiya bu tizimlarni o‘z hududida sinab ko‘rishini taklif qilmoqda. Hozircha Moskva va Pxenyan tomonidan rasmiy izohlar yo‘q.