Futbol bo‘yicha O‘zbekiston terma jamoasi Olimpiada o‘yinlaridagi oxirgi o‘yinini durang bilan yakunladi

Futbol bo‘yicha O‘zbekiston milliy terma jamoasi Olimpiya o‘yinlari guruh bosqichining uchinchi o‘yinida Dominikan Respublikasiga qarshi maydonga tushdi. Uchrashuv 1:1 hisobida yakunlandi.

Uchrashuvning 51-daqiqasida Rafa Nunyes hisobni ochgan bo‘lsa, o‘zbekistonlik futbolchilar 58-daqiqada hisobni tenglashtirdi, raqib darvozasiga to‘pni Alisher Odilov kiritdi.

Shu tariqa, futbol bo‘yicha O‘zbekiston milliy terma jamoasi Parijdagi Olimpiada o‘yinlaridagi ishtirokini yakunladi, Ispaniya va Misr terma jamoalariga qarshi ikkita o‘yinda mag‘lub bo‘ldi va so‘nggi o‘yinda Dominikan Respublikasi bilan durang o‘ynadi.