2024-yilda O‘zbekiston Rossiya va Turkmanistondan gaz importini 5 barobar ko‘paytirdi

Yetti oylik yakunlariga ko‘ra, O‘zbekiston gaz importini sezilarli darajada oshirdi, deb xabar bermoqda Spot Statistika agentligi ma’lumotlariga tayanib.

Yanvar-iyul oylarida Turkmaniston va Rossiyadan ko‘k yoqilg‘i importi 4,9 barobarga oshib, $983,7 mlnga yetdi.

2023-yil oxirida O‘zbekiston tarixda birinchi marta gaz eksportchisidan import qiluvchi davlatga aylandi.

Biroq, Statistika agentligi ma’lumotlari Xitoy Bosh bojxona boshqarmasi ma’lumotlaridan biroz farq qiladi, unga ko‘ra, yanvar-iyul oylarida O‘zbekiston $304,1 mlnlik gaz eksport qilgan, bu 2023-yildagiga deyarli teng.

Bundan tashqari, Xitoy bojxonasi iyul oyida O‘zbekistondan tabiiy gaz yetkazib berish sezilarli darajada kamayganini ma’lum qildi — iyun oyida $81,11 mlndan $69,1 mlngacha.

Xitoyga gaz eksporti bo‘yicha yetakchilikni yil boshidan beri $5,67 mlrdlik gaz yetkazib bergan Turkmaniston egallab turibdi. Ikkinchi o‘rinda gaz eksportini sezilarli darajada oshirmagan Rossiya ($4,69 mlrd) turgan bo‘lsa, undan keyin Myanma ($782,4 mln) va Qozog‘iston ($730,6 mln) turibdi.