IIV ikki nafar yuqori lavozimli amaldorni egallab turgan lavozimidan ozod qildi

Vazir Po‘lat Bobojonov Ichki ishlar vazirligining ikki nafar yuqori lavozimli xodimini ishdan bo‘shatdi. Bu haqda IIV matbuot xizmati xabar bermoqda.

Xabarga ko‘ra, IIV Tezkor-qidiruv boshqarmasi jinoyat qidiruv xizmati boshlig‘i, polkovnik Ahrorjon Atxamov va Toshkent shahar IIBB boshlig‘ining birinchi o‘rinbosari Doniyor Toshxo‘jayev ishdan bo‘shatilgan.

Bundan tashqari, Markaziy IIBB Tezkor-qidiruv xizmati Jinoyat qidiruv boshqarmasi uyushgan jinoyatchilikka qarshi kurashish bo‘limi boshlig‘i, podpolkovnik Timur Sobirov ham egallab turgan lavozimidan ozod etilgan.