JCH-2026 saralashi: O‘zbekiston terma jamoasi safarda Qatar bilan o‘ynaydi

Bugun, 14-noyabr kuni Srechko Katanets boshchiligidagi O‘zbekiston terma jamoasi JCh—2026 saralashining uchinchi bosqichi 5-turi doirasida Qatarga qarshi safarda maydonga tushadi. O’yin Dohadagi “Jassim bin Hamad” stadionida bo’lib o’tadi va Toshkent vaqti bilan soat 21:15da boshlanadi.

To‘rt o‘yindan so‘ng O‘zbekiston 10 ochko bilan guruhda ikkinchi o‘rinni egallab turibdi (5 gol urilgan va 2 ta o‘tkazib yuborilgan). Eron bir xil ochkolar bilan peshqadam, ammo to‘plar farqi yaxshiroq (6 gol va 1 gol o‘tkazib yuborilgan). Uchinchi o‘rinda 4 ochko bilan BAA joylashgan.