Jizzaxda “Cobalt” haydovchisi opa-singillarni urib yubordi, ular vafot etdi (video)

Kecha, 19-noyabr kuni Jizzaxda noma’lum avtomashina voyaga yetmagan ikki nafar piyodani urib yuborgani aytilgan video ijtimoiy tarmoqlarda keng tarqaldi. Ushbu holat yuzasidan Jizzax viloyati IIB Matbuot xizmati izoh berdi.

Joriy yilning 18-noyabr kuni soat 19:30 atrofida Jizzax viloyati Baxmal tumanida shu tumanda yashovchi, 1991-yilda tug‘ilgan A.O “Cobalt” avtomobilini O‘smat yo‘nalishi bo‘yicha boshqarib kelayotib, yo‘lning belgilangan joyidan kesib o‘tayotgan voyaga yetmagan piyodalar 2011-yilda tug‘ilgan I.M. va uning singlisi, 2020-yilda tug‘ilgan I.K.larni urib yuborib, hodisa joyidan yashiringan.

Ushbu YTH oqibatda opa-singillar turli tan jarohatlari olib voqea joyida vafot etgan.

Mazkur holat yuzasidan shu kuni Jizzax viloyati IIB huzuridagi Tergov boshqarmasi tomonidan gumonlanuvchi O.A.ga nisbatan JKning 266-moddasi 3-qismi “a” bandi va 117-modda 3-qismi “a” bandi bilan jinoyat ishi qo‘zg‘atilib ushlangan va vaqtincha saqlash hibsxonaga joylashtirilgan. Hozirda dastlabki tergov harakatlari olib borilmoqda.