Jizzaxda Damas haydovchisi 14 nafar yo‘lovchini tashigani aniqlandi

Jizzax viloyatida haydovchilik guvohnomasiga ega bo‘lmagan Damas haydovchisi 14 nafar yo‘lovchini (avtomobil 7 yo‘lovchiga mo‘ljallangan) olib ketayotgani aniqlangan. Bu haqda IIV Yo‘l harakati xavfsizligi xizmati matbuot xizmati xabar berdi.

“YHXB xodimlari tomonidan haydovchiga nisbatan ma’muriy huquqbuzarlik to‘g‘risida bayonnoma tuzilib, avtomashina jarima maydonchasiga qo‘yilgan”, – deyiladi xabarda.

Bu kabi qoidabuzarliklar O‘zbekistonda keng tarqalgan. Ko‘pincha bolalar bog‘chasi tarbiyalanuvchilari hududlarda Damas’da tashiladi. Ilgari 20 dan ortiq bolani bunday transport vositasida tashishning bir necha holatlari qayd etilgan edi.