Kam ta’minlangan oilalar avtomatik ravishda gaz va elektr energiyasi uchun bir martali kompensatsiya oladilar

Isitish mavsumida (noyabr-fevral) kommunal to‘lovlarga xarajatlar ortadi. Ehtiyojmandlarga ko‘mak berish uchun, davlat yilda bir marta quyidagilar bo‘yicha yordam puli, ya’ni 270 ming so‘m to‘laydi:

• asosiy ro‘yxat bo‘yicha. Unga “Yagona ijtimoiy himoya reyestri” orqali bolalar nafaqasi va yoki moddiy yordam oladigan oilalar kiradi (1,2 mln oila);
• qo‘shimcha ro‘yxat bo‘yicha. Unga boshqa ehtiyojmandlar kiradi (180 ming oila).

Pul kartaga 2024 yil 27 noyabrdan keyin o‘tkaziladi. Murojaat qilish uchun «Inson» ijtimoiy xizmatlar markazining tezkor liniyasi ishlamoqda — 1140. Qo’shimcha ma’lumotlar Ijtimoiy himoya milliy agentligining rasmiy saytida berilgan.