Toshkentda “Kosmonavtlar” metro bekati yaqinida yong‘in chiqdi

Toshkent shahar, Yakkasaroy tumani, Afrosiyob va Sh.Rashidov ko‘chalari kesishmasi oldida joylashgan yer osti tunnelida elektr simlari tutashi kuzatildi. Bu haqda Favqulodda vaziyatlar vazirligi xabar berdi.

O’zA xabariga ko‘ra, hodisa “Kosmonavtlar” metro bekati yaqinida sodir bo‘lgan va yong‘in kuzatilgan.

Voqea joyiga 9 ta yong‘in-qutqaruv ekipaji soat 08:15 da yetib borib, soat 09:08 da qurshab olingan va hodisa soat 09:15 da bartaraf etildi. Hodisa oqibatida tan jarohati olish va halok bo‘lish holatlari qayd etilmadi.