Noma’lum shaxsdan messenjeringizga kelgan havolalarga ishonmang

Namangan viloyatida yashovchi 20 yoshli (ayol) M.M. IIOga murojaat qilib, bank kartasidan 1.272.000 so‘m miqdoridagi pul mablag‘lari noma’lum shaxs tomonidan o‘zlashtirilganligini ma’lum qilgan.

Tezkor-qidiruv tadbirlari natijasida, mazkur jinoyatni Toshkent shaxarda yashovchi 26 yoshli E.A. sodir etganligi aniqlandi.

Unga ko‘ra, E.A. internet foydalanuvchilariga telegram messenjeri orqali yolg‘on e’lonlar ostida soxta dastur, havola jo‘natib, bu e’longa ishongan jabrlanuvchi M.M.ning bank karta ma’lumotlarini qo‘lga kiritgan va uning bank mobil ilovasiga ikkinchi foydalanuvchi sifatida ulanib olgan  E.A. M.M.ning hisobidagi pullarni o‘zining foydalanuvida bo‘lgan bank kartasiga o‘tkazib olib, o‘z ehtiyojlari uchun sarflab yuborgan.

Mazkur holat yuzasidan E.A.ga nisbatan JKning 169-moddasi 3-qismi “b” bandi bilan jinoyat ishi qo‘zg‘atilgan.

Jinoyat kodeksining 169-moddasi 3-qismi ”b” bandidagi jinoiy xatti-harakatlar uchun 5 yildan 8 yilgacha ozodlikdan mahrum qilish jazosi nazarda tutilgan.