Bugundan saylovda muddatidan oldin ovoz berish boshlandi

Bugun, 16-oktabrdan Oliy Majlis Qonunchilik palatasi va mahalliy Kengashlar deputatlari saylovida muddatidan oldin ovoz berish boshlandi. Bu haqda Markaziy saylov komissiyasi xabar bermoqda.

Bugun soat 9:00 dan respublika bo‘ylab saylov uchastkalari muddatidan oldin ovoz berish uchun ochildi.

Saylov kuni o‘z yashash joyida bo‘lish imkoniyatiga ega bo‘lmagan ovoz beruvchi muddatidan oldin ovoz berish huquqiga ega.

Saylov uchastkasida muddatidan oldin ovoz berish vaqti ish kunlari soat 9:00 dan soat 18:00 ga qadar, dam olish kunlari soat 11:00 dan soat 17:00 ga qadar amalga oshiriladi.

Muddatidan oldin ovoz beruvchi saylovchilar quyidagi havola orqali saylov uchastkasini aniqlab olishlari mumkin: https://www.saylov.uz/oz/services/find-your-polling-station