NATO bosh kotibi Kursk viloyatida Shimoliy Koreya askarlari borligini tasdiqladi

NATO bosh kotibi Mark Ryutte dushanba kuni Shimoliy Koreya askarlari Rossiyaning Kursk viloyatida borligini rasman tasdiqlashi mumkinligini aytdi. Bu haqida BBC News xabar bermoqda.

“Shimoliy Koreya harbiy xizmatchilarining Kursk viloyatiga koʻchirilishi ham Putinning umidsizlik hissi kuchayib borayotganidan dalolatdir”, — deya Ruttening NATO vakillarining Janubiy Koreya razvedkasi rahbariyati bilan uchrashuvidan soʻng oʻtkazilgan matbuot anjumanidagi bayonotidan iqtibos keltiradi jahon agentliklari.

“Rossiya va Shimoliy Koreya oʻrtasidagi chuqurlashib borayotgan harbiy hamkorlik ham Hind-Tinch okeani, ham Evro-Atlantika mintaqalari uchun tahdiddir”, – deya qoʻshimcha qildi Rutte.

Shu hafta Ukraina Mudofaa vazirligining Bosh razvedka boshqarmasi Shimoliy Koreyadan 12 mingga yaqin harbiy xizmatchi Rossiyaga yetib kelganini va ularni Ukrainadagi frontga jo‘natish rejalashtirilganini ma’lum qildi. Kiyevga ko‘ra, bu harbiy xizmatchilarning bir qismi Ukraina Qurolli kuchlari operatsiya o‘tkazayotgan Kursk viloyatiga yuborilishi mumkin.

Oq uy Milliy xavfsizlik kengashi so‘zlovchisi Jon Kirbi dastlab o‘tgan hafta Qo‘shma Shtatlar Rossiyada Shimoliy Koreyaning 3000 ga yaqin askari bo‘lishi mumkinligini taxmin qilgan, juma kuni esa ko‘proq bo‘lishi mumkinligini aytgan edi.