Nogironligi bo‘lgan shaxslar uchun moslashtirilgan sport turlari rivojlantiriladi

Prezident Shavkat Mirziyoyev nogironligi bo‘lgan shaxslar sportini rivojlantirish chora-tadbirlarini tasdiqladi. 2024-yil 15-dekabrdan boshlab “Inson” ijtimoiy markazlari tomonidan davlat jismoniy tarbiya va sport majmualarida sport turlari bo‘yicha bepul yo‘nalishlar berila boshlaydi.

2025-2026-yillarda ixtisoslashtirilgan maktablar va “Muruvvat” maktab-internatlarida sport inshootlarini qurish va modernizatsiya qilish rejalashtirilgan. Moslashuvchan sport turlari assotsiatsiyasining hududiy filiallari va mutaxassislar tayyorlash instituti ham tashkil etiladi.

2025-yil 1-fevraldan boshlab Paralimpiya sport turlari hamda eshitish va ko‘rishda nuqsoni bo‘lgan shaxslar uchun sport turlari bo‘yicha murabbiylar malakasini oshirish kurslari boshlanadi.