Nurafshonda salkam 7 kilogramlik chaqaloq tug’ildi

Toshkent viloyati Nurafshon shahar Tug‘ruq kompleksida vazni 6 kilogramm 865 gramm bo‘lgan chaqaloq dunyoga keldi. Bu haqda viloyat SSB Matbuot xizmati xabar qildi.

Chaqaloqning ahvoli qoniqarli deb baholanmoqda. Bu ayolning ikkinchi farzandi va u farzandini kesarcha kesish orqali dunyoga keltirildi.

Viloyat sog‘liqni saqlash boshqarmasi boshlig‘i o‘rinbosari Feruza Rahmatullayevaning ma’lum qilishicha, hozirda ona va bola shifokorlar nazoratida va bunday holat Toshkent viloyatida birinchi bor kuzatilmoqda.