O‘zbekiston jahon chempionatida jami 13 ta medalni qo‘lga kiritdi

Chernogoriyaning Budva shahrida boks bo‘yicha yoshlar o‘rtasidagi jahon chempionati o‘z yakuniga yetdi. Bir necha kun davom etgan shiddatli bahslar yakunida O‘zbekiston terma jamoasi 5 ta oltin, 5 ta kumush va 3 ta bronza, jami 13 ta medalga sazovor bo‘ldi. Bu haqida O‘zbekiston Milliy Olimpiya qo‘mitasi xabar bermoqda.

E’tiborlisi, 5 ta oltin, 2 ta kumush va 2 ta bronza medallarini jamg‘argan yigitlarimiz umumjamoa hisobida birinchi bo‘lishdi. Quyida barcha g‘olib va sovrindorlar ism-familyasi keltirildi:

Oltin medal:
-48 kg: Sayfiddin Sobirov
-57 kg: Samandar Olimov
-63.5 kg: Abdulaziz Jo‘raqulov
-86 kg: Akmaljon Isroilov
-92 kg: Halimjon Mamasoliyev

Kumush medal:
-75 kg: Jafarbek Shaxbozov
+92 kg: Shahzod Polvonov
-48 kg: Jasmin Tohirova
-81 kg: Ruxshona Parpiyeva
+81 kg: Sobiraxon Shahobiddinova

Bronza medal:
-54 kg: Sobirjon Tastanov
-71 kg: Muhammad Azizbek Ismoilov
-70 kg: Oysha Toirova