O‘zbekiston nechta davlatga olma va o‘rik mevalarini eksport qildi

Statistika agentligi ma’lumotlariga ko‘ra, 2024-yilning yanvar-may oylarida O‘zbekiston 10 ta davlatga qiymati 4,2 mln AQSH dollariga teng bo‘lgan 12,4 ming tonna olma eksport qilgan.

Olma eksporti 2023-yilning mos davri bilan solishtirilganda 3,7 ming tonnaga oshgan.

2023-yilning 5 oyida O‘zbekiston eng ko‘p olma eksport qilgan davlatlar:

Qozog‘iston – 11,6 ming tonna
Rossiya – 412 tonna
Qirg‘iz R. – 162 tonna

Shuningdek, O‘zbekiston shu yilning yanvar-may oylarida 29 ta xorijiy davlatlarga qiymati 17,2 mln AQSH dollariga teng bo‘lgan 12,7 ming tonna o‘rik eksport qilgan.

Eng ko‘p o‘rik eksporti Rossiya, Qozog‘iston va Xitoyga amalga oshirilgan.