О‘zbekiston va OTB iqtisodiyotni modernizatsiyalash va hayot sifatini yaxshilash uchun hamkorlikni mustahkamlamoqda

2024-yil 3-iyul kuni Investitsiyalar, sanoat va savdo vaziri Laziz Qudratov Osiyo taraqqiyot bankining О‘zbekistondagi vakolatxonasi rahbari Kanokpan Lao-Araya bilan uchrashdi. Bu haqda О‘zbekiston Respublikasi Investitsiyalar, sanoat va savdo vazirligining matbuot xizmati xabar beradi.

Muhokamalarda loyihalarni amalga oshirishning dolzarb masalalari va hamkorlikni kengaytirish istiqbollari ko‘rib chiqildi.

Shuningdek, xalqaro ekspertlarni jalb etish va iqtisodiyotni diversifikatsiya va modernizatsiya qilish, raqobatbardosh mahsulotlar ishlab chiqarish va eksportni oshirish uchun qulay shart-sharoitlar yaratishga qaratilgan sanoatni rivojlantirish strategiyasini ishlab chiqish bo‘yicha ham kelishuvga erishildi.

Tomonlar xususiy sektorda loyihalarni o‘z vaqtida amalga oshirish, shuningdek, sog‘liqni saqlash va suv ta’minoti sohalarida aholi turmush darajasini oshirishga qaratilgan loyihalarni amalga oshirishni jadallashtirishga tayyor ekanliklarini tasdiqladilar.