O‘zbekistonda 19 yoshli yigit Chorvoqda o‘limga olib kelgan to‘qnashuv uchun uch yilga qamaldi

Bo‘stonliq tuman sudi iyul oyida Chorvoq suv omborida gidrotsiklda katamaranga urilib, ikki kishining o‘limiga sababchi bo‘lgan 19 yoshli F.K.ga nisbatan hukm chiqardi, deb yozadi Kun.uz.

Hodisa 20 iyul kuni F.K.ning gidrotsiklni boshqarishga hujjatlari bo‘lmagan holda, sohil hududi yaqinida unda katta tezlikda harakatlanayotgan vaqtda sodir bo‘lgan. Gidrotsikl to‘satdan yo‘nalishini o‘zgartirib, katamaran bilan to‘qnashgan va yaqin atrofda suzayotgan uch kishini urib yuborgan. Natijada ulardan ikki nafari voqea joyida halok bo‘lgan, yana biri jarohat olgan.

Sud jarayonida F.K o‘z aybiga iqror bo‘lib, jabrlanuvchilarning yaqinlaridan kechirim so‘radi. Sud uni suv xavfsizligi qoidalarini buzganligi uchun Jinoyat kodeksining 260-moddasi bilan uch yil muddatga ozodlikdan mahrum qildi.