О‘zbekistonda nogironligi bor kishilarning saylov va sud huquqlari kengaytirildi

Prezident Shavkat Mirziyoyev “Nogironligi bo‘lgan shaxslarning huquqlari to‘g‘risida”gi qonunga o‘zgartish va qo‘shimchalarni imzoladi, deya xabar beradi О‘zbekiston Adliya vazirligi.

Yangiliklarga ko‘ra, davlat nogironligi bo‘lgan shaxslarning odil sudlovdan, jumladan, sud, surishtiruv va dastlabki tergovda ishtirok etishi uchun teng huquqliligini kafolatlaydi.

Bundan tashqari, o‘zgartirishlar nogironligi bo‘lgan shaxslarning ham bevosita, ham o‘z vakillari orqali mamlakat siyosiy hayotida ishtirok etishi, jumladan, saylov va referendumlarda qatnashish huquqini kafolatlaydi.

Shuningdek, qonunda nogironlarning barcha toifalari, shu jumladan eshitish, ko‘rish va harakatlanishda nuqsoni bo‘lgan shaxslar uchun saylov uchastkalarida qulay ovoz berish uchun shart-sharoitlar yaratish ko‘zda tutilgan.

“Avvallari qonunchilikda bunday qoidalar yo‘q edi”, – deya ta’kidlaydi Adliya vazirligi.

Bundan tashqari, qonun nogironlar bilan muloqot qilish shakllarini belgilovchi standartlarni, shuningdek, ijtimoiy infratuzilma ob’ektlariga to‘siqsiz kirishni ta’minlash uchun ularni moslashtirish talablarini o‘z ichiga oladi.