O‘zbekiston fuqarolari Jukovskiy aeroportida bir necha kundan buyon ushlab turilibdi

jtimoiy tarmoqlarda Rossiyaga kiritilmagan O‘zbekiston fuqarolari Jukovskiy aeroportida deportatsiya qilinishini kutayotgani aks etgan video tarqalmoqda. Bu haqda “Current Time” xabar bermoqda.

Videoda o‘nlab odamlar kichkina xonada, ko‘pchiligi polda o‘tirishibdi. Shuningdek, hojatxona ham xuddi shu xonada joylashgan.
Ushbu video o‘zbek diasporasi rahbari Baxrom Ismoilovga uzatildi.

Joriy yilning may oyida Vazirlar Mahkamasi huzuridagi Migratsiya agentligi O‘zbekiston fuqarolari Rossiyaga Moskva aeroportlarida ham, quruqlikdagi nazorat-o‘tkazish punktlari orqali ham kirishda hech qanday muammoga duch kelmayotganini bildirgan edi.