O‘zbekiston hududida zilzila qayd etildi

1-mart kuni 05:22 da O‘zbekistonda zilzila qayd etildi, deya xabar bermoqda Favqulodda vaziyatlar vazirligi Seysmoprognostik monitoring Respublika markazi.

Epitsentr Farg‘ona viloyatining Quva tumanida joylashgan.

Magnituda — 3,5, chuqurlik — 11 km. Epitsentrdan Toshkentgacha bo‘lgan masofa — janubi-sharqiy yo‘nalishda 257 km.

O‘zbekiston hududida yer osti silkinishlari kuchi Quva tumanida 3 ballga, Marhamat, Toshloq, Asaka, Shahrixon tumanlarida hamda Quvasoy va Farg‘ona shahrida 2 ballga teng bo‘ldi.