O‘zbekiston – Markaziy Osiyoda pensiyaga chiqish yoshi eng past bo‘lgan davlat

Bugungi kunda, Markaziy Osiyo davlatlarida pensiyaga chiqish yoshi – ayollarda 55 yoshdan 61 yoshgacha, erkaklarda esa 60 yoshdan 63 yoshgacha bo‘lgan yoshni tashkil etmoqda.

Xususan, 2024-yil iyul oyi holatiga ko‘ra:

O‘zbekistonda – erkaklar 60 yosh, ayollar 55 yoshdan;

Qozog‘istonda – erkaklar 63 yosh, ayollar 61 yoshdan;

Qirg‘izistonda – erkaklar 63 yosh, ayollar 58 yoshdan;

Tojikistonda – erkaklar 63 yosh, ayollar 58 yoshdan;

Turkmanistonda – erkaklar 62 yosh, ayollar 57 yoshdan yoshga doir pensiyaga chiqish huquqiga ega.

Avvalroq, O‘zbekiston “Allianz Pension Ranking 2023” pensiya reytingidagi 75 ta mamlakatlar qatorida 71-o‘rinni egallagani va pensiya yoshi qayta ko‘rib chiqilishi taklif etilayotgani haqda xabar bergan edik.