O‘zbekistonga qancha Germaniya va Italiya fuqarolari turistik maqsadlarda keldi

Statistika agentligi ma’lumotlariga ko‘ra, 2024-yilning yanvar-iyul oylarida 18,4 ming nafar Germaniya fuqarolari turistik maqsadlarda O‘zbekiston Respublikasiga tashrif buyurgan.

Bu ko‘rsatkich 2023-yilning mos davri bilan solishtirilganda 4,3 ming nafarga yoki 30,9 % ga oshgan.

2024-yilning yanvar-iyul oylarida O‘zbekiston Respublikasiga tashrif buyurgan Germaniya fuqarolari safar maqsadlari bo‘yicha quyidagicha:

• dam olish – 15 303 nafar;
• qarindoshlarni yo‘qlash – 2 189 nafar;
• xizmat yuzasidan – 846 nafar;
• tijorat – 44 nafar;
• o‘qish – 20 nafar;
• davolanish – 7 nafar.

Shuningdek, 2024-yilning yanvar-iyul oylarida 19,5 ming nafar Italiya fuqarolari turistik maqsadlarda O‘zbekistonga kelgan.

Bu ko‘rsatkich 2023-yilning mos davri bilan solishtirilganda 8,5 ming nafarga yoki 77,2 % ga oshgan.

Ularning safar maqsadlari bo‘yicha taqsimoti quyidagicha:

• dam olish – 17 767 nafar;
• xizmat yuzasidan – 866 nafar;
• qarindoshlarni yo‘qlash – 807 nafar;
• o‘qish – 68 nafar;
• tijorat – 9 nafar;
• davolanish – 1 nafar.