O‘zbekistonlik yosh suzuvchilar Qozog‘istonda o‘tkazilgan turnirda sovrinli o‘rinlarni egalladi

2-3 noyabr kunlari Qozog‘istonda O‘zbekiston jamoalari ishtirokida suzish bo‘yicha ochiq turnir bo‘lib o‘tdi, deb xabar beradi MOQ.

Poytaxtimizning Mirzo Ulug‘bek tumanidagi 1-sonli sport maktabi murabbiyi Ilhom Nishonboyev suzish bo‘limi tarbiyalanuvchilari 50 va 100 metr masofalarga muvaffaqiyatli chiqish qilib, sovrinli o‘rinlarni qo‘lga kiritdi.

Jamoa 23 ta medal, jumladan 3 ta oltin, 4 ta kumush va 16 ta bronzaga ega boʻlib, 12 ta jamoa oʻrtasida umumjamoa hisobida toʻrtinchi oʻrinni egalladi.