Perudagi yengil atletika boʻyicha jahon chempionatida oʻzbekistonlik sportchilar ishtirok etadi

27-31-avgust kunlari Peru poytaxti Lima shahrida yengil atletika boʻyicha U20 yosh toifasidagi jahon chempionati boʻlib oʻtadi. Dunyo yengil atletikasining yosh yulduzlari ishtirokida kechadigan bellashuvlarda oʻzbekistonlik sportchilar ham kurash olib borishadi.

Mazkur dunyo birinchiligida qatnashish uchun atletlardan kerakli normativlarni bajarish talab etilgan. Unga koʻra, Parij-2024 yozgi Olimpiya oʻyinlari ishtirokchisi Sharifa Davronova, shuningdek yana 5 nafar sportchilar ushbu jahon chempionatida ishtirok etish imkoniyatiga ega boʻlishgan. Perudagi musobaqada medallar uchun kurashadigan atletlar bilan tanishing:

• Sharifa Davronova (uch hatlab sakrash)
• Xushnoza Shavkatova (uch hatlab sakrash)
• Dilshoda Usmonova (3 000 metr, stipl-chez)
• Barnoxon Sayfullayeva (balandlikka sakrash)
• Jonbibi Hukmova (400 metrga yugurish)
• Nodir Norboyev (koʻpkurash)