Putin Sevara Nazarxon va Farrux Zokirovni “Do‘stlik” ordeni bilan taqdirladi

Rossiya prezidenti Vladimir Putin o‘zbekistonlik ijrochilar Farrux Zokirov va Sevara Nazarxonni mukofotlash to‘g‘risidagi farmonni imzoladi. Hujjat   normativ-huquqiy hujjatlar portalida e’lon qilindi .

Har ikki ijrochi o‘zbek va rus madaniyatini yaqinlashtirish va boyitishga qo‘shgan hissasi uchun “Do‘stlik” ordeni bilan taqdirlangan.

1994 yildan beri “Doʻstlik” ordeni bilan Rossiya va chet el fuqarolari xalqlar oʻrtasidagi doʻstlik va oʻzaro hamjihatlikni mustahkamlashdagi xizmatlari uchun taqdirlanadilar.