Putin urushda yaralanganlarga to‘lovlar bo‘yicha yangi qoidalarni tasdiqladi

Putin urushda yaralanganlarga to‘lovlar bo‘yicha yangi qoidalarni tasdiqladi, bu ko‘plab yaralanganlarga kamroq pul to‘lanishini anglatadi. TASSning yozishicha, to‘lovlar miqdori quyidagicha belgilangan:

• og‘ir yaralanish uchun — 3 million rubl;
• yengil yaralanish uchun — 1 million rubl;
• «boshqa yengil jarohatlar» uchun — 100 ming rubl.

Yangi qoidalar, aslida, yaralanish uchun to‘lanadigan mablag‘larni kamaytirishni anglatadi. Eng ko‘p to‘lov hozirda ham 3 million rublni tashkil qiladi, biroq jarahatning og‘irligi hisobga olinmaydi. Masalan, 5-noyabr kuni RF Qurolli kuchlaridan bir batalon komandiri Mixail Petelin «Komsomolskaya pravda»ga bergan intervyusida: “Mening rota komandiri o‘rinbosarim oyog‘ini yo‘qotdi. Birov esa yengilgina yaralandi. Ikkalasiga ham 3 million rubl kompensatsiya to‘landi. Bunday holatlar hatto mening batalonimda ham ko‘p”, — degan.

Shu kuni mudofaa vaziri o‘rinbosari va Putinning jiyani Anna Sivilyova, vazirlik rahbari Andrey Belousov bilan yig‘ilishda yaralanganlarga to‘lovlar bo‘yicha amaldagi qoidalar ularda «noxolislik hissini» paydo qilayotganini aytgan.