Qamchiq dovonida qor yog‘di

Ayni paytda Qamchiq dovonida qor yog‘ishi davom etmoqda. Bu haqda Favqulodda vaziyatlar vazirligi matbuot xizmati xabar berdi.

Favqulodda vaziyatlar vazirligi, Yo‘l harakati xavfsizligi inspeksiyasi va “Qamchiqavtoyo‘l” xodimlari tomonidan yo‘lni qordan tozalash, muz hosil bo‘lishining oldini olish, qum-tuz aralashmasini sochish ishlari olib borilmoqda.

Qutqaruvchilar yo‘lda qolgan haydovchilar va ularning transport vositalariga ham yordam ko‘rsatmoqda. Har ikki yoʻnalishda ham avtomobillar harakati davom etmoqda.

Favqulodda vaziyatlar vazirligi haydovchilardan hududda harakatlanishda barcha ehtiyot choralariga rioya qilishni so‘ramoqda.