Qashqadaryoda qo‘riqxona yaqinida brakonуerlar to‘ng‘iz o‘ldirgani aniqlandi

Qashqadaryoda Hisor qo‘riqxonasi yaqinida brakonуerlar yovvoyi cho‘chqani o‘ldirib, nimtalagani aniqlandi, deya xabar beradi qo‘riqxona matbuot xizmati.

Hodisa qo‘riqxona chegaralari yaqinida sodir bo‘lgan, xavfsizlik xodimlari tungi patrul vaqtida jonivorning boshini topib olgan.

Tergov jarayonida olti nafar gumondor qo‘lga olindi.

Ularning avtomashinalaridan baliq ovlash vositalari, ov pichoqlari, ikkita qurol, shuningdek, O‘zbekiston Qizil kitobiga kiritilgan noyob baliq hisoblangan to‘qqizta Amudaryo gulmohi balig‘i topilgan.

Huquq-tartibot idoralarining xodimlari barcha dalillarni qo‘lga kiritib, qonuniy chora ko‘rish maqsadida brakonуerlarning xatti-harakatlariga baho berishni boshladi.