Qirg‘izistonda zilzila sodir bo‘ldi

Qirg‘iziston janubida mahalliy vaqt bilan soat 11:27 da zilzila qayd etildi.

Qirg‘iziston Respublikasi Milliy fanlar akademiyasi Seysmologiya instituti ma’lumotlariga ko‘ra, epitsentrda zilzila kuchi 12 balli MSK-64 shkalasi bo‘yicha 3 ball, magnitudasi Mpv=3,3, energiya sinfi K=8,0 bo‘lgan.

Zilzila epitsentri Qirg‘iziston hududida, Qurshob qishlog‘idan 3 km shimoli-g‘arbda, Mirza Ariq qishlog‘idan 7 km janubi-g‘arbda, O‘zgan shahridan 15 km janubi-g‘arbda, Jalolobod shahridan 31 km janubi-sharqda, O‘sh shahridan 37 km sharqda joylashgan.

Qurshob qishlog‘ida zilzila kuchi taxminan 2,5 ballni tashkil qilgan.