Qoʻshtepada avtomobil yonib ketdi

Farg’ona viloyati Favqulodda vaziyatlar Matbuot xizmatining ma’lum qilishicha, joriy yilning 3-noyabr kuni soat 20:47 da Qoʻshtepa tumani, “Qumtepa” MFY, Chaman koʻchasida harakatlanib ketayotgan 1996-yilda ishlab chiqarilgan oq rangli “LABO” rusumli avtomobili batamom yonib ketgan.

“Yongʻinga yong’in-qutqaruvchilar 20:51da yetib borib, 20:52da oʻrab olinib, 20:55da oʻchirilgan”, – deyiladi Matbuot xizmati xabarida. Yongʻinning sababi va zarari aniqlanmoqda. Hodisa oqibatida halok bo‘lgan va jabrlanganlar yo‘q.