Qozog‘iston va O‘zbekiston o‘rtasida birinchi turizm poyezdi yo‘lga qo‘yildi

Xalqaro temir yo‘l turi davomida sayyohlar to‘rt kun mobaynida qadimiy shaharlar muhiti bilan tanishish va Buyuk ipak yo‘li izidan sayohat qilish imkoniyatiga ega bo‘ladilar. Yo‘nalish Turkiston va Toshkentning diqqatga sazovor joylarini o‘z ichiga oladi. Sayyohlar uchun gid xizmati, oziq-ovqat, transport xizmatlari va kirish chipta to‘lovlari ham ta’minlangan.

Sayohat davomida sayyohlar O‘rta Osiyoning eng qadimiy shaharlaridan biri bo‘lgan va muhim savdo markazi bo‘lib kelgan O‘tror shahrini ham ko‘rish imkoniyatiga ega bo‘ladilar. Tur dasturiga Orys­tan­bob maqbarasi, “Azret Sulton” tarixiy-madaniy qo‘riqxona muzeyi, shuningdek, Markaziy Osiyodagi eng yirik sayyohlik majmuasi “Karvan-Saroy”ga tashrif ham kiritilgan. Toshkentda esa sayyohlarga tarixiy va zamonaviy obidalar bilan tanishish imkoniyati beriladi.

Ushbu xalqaro tur “Yo‘lovchi tashuvlari” aksiyadorlik jamiyati, “TauKomek Travel”, “Turan Kazakhstan Travel”, “Grand Soluxe Travel Company”, “SkyWay Travel”, “Kompas” va “Khan Turan Travel” tomonidan tashkil etilgan bo‘lib, “Kazakh Tourism” milliy kompaniyasi bu yo‘nalishni xalqaro miqyosda targ‘ib qilishda yordam beradi.