Rossiyadagi YTHda O‘zbekiston fuqarosi halok bo‘ldi

Rossiyaning Tyumen viloyatida Tyumen — Xanti-Mansiysk avtomobil yo‘lining 178-kilometrida “GAZ” yuz mashinasi va VAZ 2107 avtomobili to‘qnashib ketdi, deb xabar bermoqda “Kommersant”.

Yengil mashina haydovchisi voqea joyida vafot etgan, u Rossiya hududida noqonuniy bo‘lib turgan 55 yoshli O‘zbekiston fuqarosi ekani aniqlandi. U Tyumen tomonga qarab ketayotgan bo‘lgan.

Dastlabki ma’lumotlarga ko‘ra, avtomobillardan biri qarama-qarshi yo‘nalishga chiqib ketgan. Yuk mashinasi haydovchisi jarohatlar olgan. Hudud davlat avtoinspeksiyasi taqdim etgan fotosuratlarga ko‘ra, YTH oqibatida ikkala transport vositasi ham qattiq shikastlangan.