Rossiyalik senator Alisher Qodirovga hozir yomon ahvolda bo‘lgan bir mamlakatning taqdiri haqida eslatib qo‘ydi

Rossiya Federatsiyalar Kengashining xalqaro masalalar bo‘yicha qo‘mitasi raisi o‘rinbosari Andrey Klimov О‘zbekiston parlamenti spikerining o‘rinbosari Alisher Qodirovning so‘zlariga izoh berdi.

U Rossiya tashqi ishlar vazirligining rus tili darsi paytida Toshkentda o‘qituvchi va maktab o‘quvchisi o‘rtasidagi mojaro bilan bog‘liq vaziyatga oydinlik kiritish so‘roviga javoban “o‘zlarining ishlari bilan shug‘ullanishga” chaqirgandi.

“Uzoq vaqtdan beri shunday yo‘l tutgan bir davlat bor edi. Endi u juda og‘ir ahvolga tushib qolgan”, — dedi Klimov Lenta.ru bilan suhbatda. U millatlararo munosabatlar masalalariga ayniqsa ehtiyotkorlik bilan yondashishni talab qilishini qo‘shimcha qilib, haddan tashqari keskin bayonotlar berishdan ogohlantirdi. U Qodirovning so‘zlarini taajjubli deb atadi.

Eslatib o‘tamiz, avvalroq internetda Toshkent shahridagi 188-maktabning rus tili o‘qituvchisi o‘quvchini dars paytida bir necha bor urgani tasvirlangan video paydo bo‘lgan edi. Taxminlarga ko‘ra, mojaroga o‘quvchining materialni rus tilida tushuntirishni so‘rashi sabab bo‘lgan.

Oliy Majlis deputati Alisher Qodirov Toshkent maktablaridan birida rusiyzabon bola bilan sodir bo‘lgan voqeaga izoh berib, Rossiya tomoniga О‘zbekistonning ichki ishlariga aralashmaslikni va o‘zining muammolarini hal etishga e’tibor qaratishni tavsiya qilgandi.

Sherzodxon Qudratxo‘ja ham bu holat haqida gapirdi. U o‘qituvchining o‘quvchiga nisbatan kuch ishlatishini nomaqbul deb atadi. Biroq, uning nuqtai nazari bo‘yicha, “tashqaridan  yomon bo‘lgan, ammo mahalliy hodisaga millatlararo va tillararo ma’no berishga urinish” ham qabul qilinishi mumkin emas.